07/07/2025
Salami kehtay thay aada rulao Zainab ko
Sar-e-Hussain sina par dikhao Zainab ko
Salami kehtay thay aada rulao Zainab ko..
Chupa ke balon se munh ko yeh boli bint-e-Ali
Khuda ke wastay logon chupao Zainab ko
Hussain imam ko jis se kiya hai ran may shaheed
Woh khoon bhara hua khanjar dikhao Zainab ko
na nikle dukhtare zehra jo qaime se baahar
pakad ke haath abhi khaynch lao zainab ko
Jakarr ke laye hain khaibar shikan ki beti ko
Yeh keh ke Shaam may dar dar phirao Zainab ko
lipat ke lasha-e-sheh se ye boli binte Ali
Khuda ke waaste bhayya bulaao zainab ko
Kaha yazeed ne jab Shimr se sar-e-darbar
Kidhar hay dukhtar-e-Zehra bulao Zainab ko
gala katane diya kyo na apne badle mujhe
mai tumse roth gayi hoo.n manao zainab ko
Jagane aa gaya neze se us ghadi zaalim
kaha jo fizza ne kuch pal sulaao zainab ko
Anis ahle haram may bapa hua mehshar
Kaha jo Hakim-e-Azlam ne lao Zainab ko
